Kwizera umuti bikorera ubwabo byatumye Madagascar isubira muri gahunda ya #Guma mu rugo!

 Inshamake   Igice kinini cy'ikirwa cya Madagascar kirimo n'umurwa mukuru wa Antananarivo, cyasubijwe mu mategeko yo kuguma mu rugo kubera kwiyongera k'ubwandu bwa coronavirus(COVID-19).

Kwizera umuti bikorera ubwabo byatumye Madagascar isubira muri gahunda ya #Guma mu rugo!

 Inshamake   Igice kinini cy'ikirwa cya Madagascar kirimo n'umurwa mukuru wa Antananarivo, cyasubijwe mu mategeko yo kuguma mu rugo kubera kwiyongera k'ubwandu bwa coronavirus(COVID-19).

Umusare - Amakuru mu buryo utamenyereye.

Leta yatangaje ko izi ngamba zigomba gutangira kubahirizwa uyu munsi ku wa Mbere tariki 6 kugeza tariki 20 Nyakanga 2020, aho itangazo yashyize ahagaragara leta ivuga ko "Umuntu umwe gusa mu rugo ariwe uzemererwa kuva mu rugo hagati ya saa kumi n'ebyiri z'igitondo na saa sita z'amanywa", aho ngo izi ngamba zigamije kugabanya ikwirakwira ry'iki cyorezo cya COVID-19.

 

Leta ya Madagascar imaze gutangaza ko abantu 2,941 banduye Covid-19 muri bo 32 imaze kubica kuva yahagera mu kwezi kwa Gatatu, mu gihe bamaze gufata ibipimo hafi 24,000.

 

Madagascar yavuzwe cyane mu makuru mu kwezi kwa Gatanu ubwo Perezida Andry Rajoelina yatangazaga ko babonye umuti ushobora kuvura no kurinda iki cyorezo, ndetse uyu muti bise CovidOrganics ukoze mu byatsi byitwa Artemisia bisanzwe bivurwa malaria, watanzwe henshi mu mashuri mu gihugu.

Perezida Andry Rajoelina yatangaje ko babonye CovidOrganics, umuti ushobora kuvura no kurinda icyorezo cya COVID-19.

Nubwo wari utaremezwa n'abahanga muri siyansi ko uvura iyi ndwara, ibihugu bimwe bya Afurika byawutumijeho ngo biwifashishe, aho mu kwezi kwa gatanu kandi, Umuryango w'Ubumwe bwa Afurika watangaje ko ushaka gufata ibipimo bya siyansi ngo urebe niba uyu muti ntacyo utwaye kandi unavura, gusa Ishami ry'umuryango w'abibumbye ryita ku buzima ryaburiye abantu kwirinda gukoresha imiti itarapimwe mu kuvura coronavirus.

GIRICYO UBIVUGAHO


Iyi nkuru ntiravugwaho!