Hamaze kubarurwa abarenga 270 bari bahagarariye amatora muri Indonesia bapfuye!

 Inshamake   Komisiyo y’amatora mu gihugu cya Indonesia (KPU) yatangaje ko abakozi bayo bari bahagarariye amatora barenga 270 bapfuye, ahanini biturutse ku ndwara ziturtse ku munaniro kubera amasaha menshi bamaze babarura amamiliyoni y'amajwi, mu matora y’umukuru w’igihugu n’ay’abagize inteko ishingamategeko.

Hamaze kubarurwa abarenga 270 bari bahagarariye amatora muri Indonesia bapfuye!

 Inshamake   Komisiyo y’amatora mu gihugu cya Indonesia (KPU) yatangaje ko abakozi bayo bari bahagarariye amatora barenga 270 bapfuye, ahanini biturutse ku ndwara ziturtse ku munaniro kubera amasaha menshi bamaze babarura amamiliyoni y'amajwi, mu matora y’umukuru w’igihugu n’ay’abagize inteko ishingamategeko.

Umusare - Amakuru mu buryo utamenyereye.

Umuvugizi w’iyi Komisiyo y’amatora muri Indonesia, Arief Priyo Susanto, yanatangaje ko uretse abapfuye, abandi bakozi bagera ku 1878 barwaye; ibi bibaye nyuma y’aho abantu bagera kuri miliyoni zirindwi aribo bari bahagariye ayo matora yabaye tariki 17 Mata 2019, bakaba ari nabo barimo bakora mu gikorwa cyo kubarura amajwi, aho banasabwaga gukora amasaha y'ijoro mu buryo butoroshye, bikaba ari nabyo byagize ingaruka mbi ku buzima bw'abatari bake muri bo.


Ayo matora niyo ya mbere icyo gihugu gifite miliyoni 260 z’abaturage cyafatanije ku munsi umwe ay'umukuru w'igihugu n’ay'abagize inteko ishingamategeko, ibi bikaba byarakozwe mu rwego rwo kugabanya ingengo y’imari yari iteganijwe gukoreshwa, aho 80 kw'ijana (80%) by'abiyandikisjije, ni ukuvuga abangana na miliyoni 193 bitabiriye aya matora yabereye mu biro by’itora birenga ibihumbi 800.

Abakozi babaruraga amajwi muri aya matora bakoraga amanywa n'ijoro  mu rwego rwo kugabanya ingengo y’imari yari iteganijwe gukoreshwa.


Ibarura ry’amajwi rirenze urugero rikaba ariryo ryagize ingaruka mbi ku bari bahagarariye ayo matora, dore ko batangiye gukora batabanje gupimwa ibizamini by’uko ubuzima bwabo buhagaze nk’uko bisanzwe bikorwa ku bakozi ba leta basanzwe.


Umuvugizi w’iyi Komisiyo y’amatora muri iki gihugu cya Indonesia yakomeje avuga ko abakozi 272 bapfuye, Komisiyo itegekanya gutanga indishyi z'akababaro y'amadolari 2500 ku muryango umwe umwe wabuze uwabo, mu gihe ikinyamakuru Nikkei Asian Review kivuga ko iyo ndishyi ingana hafi n'igihembo cy'umukozi muto muri iki gihugu mu gihe cy’umwaka wose, naho abatavuga rumwe na leta bakavuga ko leta ititondeye ibyo gufatanya ayo matora byanavuyemo ibitari byitezwe kuri abo bakozi b'igihe gito bahaburiye ubuzima abandi bakaba bakirwaye.


Kugeza ubu Perezida Joko Widodo n'uwo bahanganye Prabowo Subianto, bombi bavuga ko batsinze ayo matora, mu gihe ibarura rya mbere ry’amajwi ryerekana ko Bwana Widodo usanzwe ayobora Indonesia yayatsinze hagati y’amanota 9 na 10 kw'ijana, mu gihe byitezwe ko Komisiyo y’amatora izasoza kubarura amajwi tariki 22 Gicurasi 2019, ari nabwo izatangaza uwatsinze amatora haba ku mwanya w'umukuru w'igihugu ndetse n’abatsindiye kwinjira mu nteko ishingamategeko.

Perezida Joko Widodo n'uwo bahanganye Prabowo Subianto, bombi bavuga ko batsinze ayo matora, mu gihe ibarura rya mbere ry’amajwi ryerekana ko Widodo ariwe uri uri imbere.

 

GIRICYO UBIVUGAHO


Iyi nkuru ntiravugwaho!