Babiri bakora muri FARG batawe muri yombi bakira ruswa y’ibihumbi 245!

 Inshamake   Tariki 3 Nyakanga 2019, i Remera mu Mujyi wa Kigali abakozi babiri b’Ikigega gishinzwe gutera inkunga Abacitse ku Icumu rya Jenoside yakorewe Abatutsi Batishoboye (FARG), batawe muri yombi ubwo bakiraga ruswa y’umugenerwabikorwa, ngo azubakirwe inzu.

Babiri bakora muri FARG batawe muri yombi bakira ruswa y’ibihumbi 245!

 Inshamake   Tariki 3 Nyakanga 2019, i Remera mu Mujyi wa Kigali abakozi babiri b’Ikigega gishinzwe gutera inkunga Abacitse ku Icumu rya Jenoside yakorewe Abatutsi Batishoboye (FARG), batawe muri yombi ubwo bakiraga ruswa y’umugenerwabikorwa, ngo azubakirwe inzu.

Umusare - Amakuru mu buryo utamenyereye.

Ubushinjacyaha bwavuze ko burimo gukora iperereza kuri ruswa yakiriwe n’abakozi babiri ba FARG igendanye n’ubufasha bw’icumbi bwari bwasabwe n’umugenerwabikorwa kandi koko yaragombaga kububona.


Urwego rw’Ubushinjacyaha bw’u Rwanda bwabwiye Igihe dukesha iyi nkuru ko abatawe muri yombi harimo ushinzwe ibikorwa by’ikoranabuhanga muri FARG n’undi ushinzwe kubakira abacitse ku icumu batishoboye muri iki kigega.


Amakuru agaragaza ko aba bantu bafashwe ubwo uyu mugenerwabikorwa wa FARG yifuzaga ko yakubakirwa inzu ariko aba bayobozi bakomeza kumwaka ruswa ingana n’ibihumbi 400, na we aza kubibwira urwego rw’ubugenzacyaha, batabwa muri yombi barimo kwakira ruswa y’ibihumbi 245 nk’uko ubushinjacyaha bwabitangaje, ariko iperereza rikaba arikomeje.


Ingingo ya kane y’Itegeko ryerekeye kurwanya ruswa ivuga ko umuntu wese usaba, utanga cyangwa wakira, mu buryo ubwo ari bwo bwose, indonke iyo ari yo yose, kuri we cyangwa ku wundi muntu cyangwa wemera amasezerano yabyo kugira ngo akore cyangwa adakora ikiri mu nshingano ze aba akoze icyaha.


Iyo abihamijwe n’urukiko, ahanishwa igifungo kirenze imyaka itanu ariko kitarenze imyaka irindwi n’ihazabu y’amafaranga y’u Rwanda yikubye inshuro kuva kuri eshatu kugeza kuri eshanu z’agaciro k’indonke yatse cyangwa yakiriye.

GIRICYO UBIVUGAHO


Iyi nkuru ntiravugwaho!